المحب || حكايات من الفيسبوك.. «اتجوزنا فى أسبوع.. باى باى تقاليد»
حكايات من الفيسبوك.. «اتجوزنا فى أسبوع.. باى باى تقاليد»
حكايات من الفيسبوك.. «اتجوزنا فى أسبوع.. باى باى تقاليد»
الصفحة الرئيسية >> المنوعات >> مقتطفات من هنا وهناك

حكايات من الفيسبوك.. «اتجوزنا فى أسبوع.. باى باى تقاليد»


حكايات من الفيسبوك.. «اتجوزنا فى أسبوع.. باى باى تقاليد»

كتب بتاريخ 19/03/2015.. وتمت مشاهدته (277) مشاهده



 

نشرت إحدى الصفحات على الفيسبوك تجربة لشابين فى مقتبل حياتهما تزوجا فى أسبوع واحد فقط، وفى تحدٍ للعادات والتقاليد والتى لاقت إعجاب أكثر من 30 ألف مشارك فى الصفحة.

 

حكى الشاب المنصورى قصة زواجه التى لم تتخطى تكلفتها الـ20 ألف جنيه، والتى كانت بمثابة مشروع قومى له على حد تعبيره.

ولفت الشاب فى قصته: خططت منذ السبت أن يكون زواجى الخميس وقد كان.

هذا ما قصه الفتى بالتفصيل: "يوم السبت بعد العصر على النيل فى المنصورة .. قاعد أنا وخطيبتى بنتكلم عن الجواز وليه التعقيدات وليه لازم نستنى لحد ما نجيب شبكه وشقه و..و…. قلنا احنا فعليًا محتاجين إيه عشان نتجوز؟.

أوضة نوم لينا وأنتريه للضيوف وتلاجة وغسالة وبوتاجاز على كام حلة وكام معلقة على كام شوكة

يومها مشيت من معاها بعد المغرب، واحنا مقررين نتجوز الخميس الجاى.

يومها رجعت بعد العشاء قاعد مع أصحابى باسألهم عن شقة أتجوز فيها:

ردود الأفعال كانت .. هات ياض الـ 100 جنيه اللى عليك.. هو إنت لاقى تاكل وحاجات كتير من دى.

واحد صاحبنا من بعيد كان فى القعدة دى قال لى إنت بتتكلم بجد؟ عندى ليك شقة؟

أنا أصلا باشتغل دكتور وكنت وقتها فى أول سنة الامتياز وبلدنا فلاحين تبع المنصورة أسعار إيجار الشقق عندنا لا يتعدى الـ400-500 جنيه.

قالى فى شقة ممتازة إنت أول ساكن ليها دور أول علوى بـ 350 جنيه

شفت الشقة وقلت هاخدها حتى لو مش هاتجوز، صورتها ع الموبايل ورحت لحمايا أبو خطيبتى

اتكلمت معاه.

ف احنا عاوزين نبدأ حياتنا مع بعض بجواز بسيط، وهو متدين ما شاء الله فده ساعدنى إنى اقنعه بسرعة، إن جاءكم من ترضون دينه وخلقه فزوجوه… وأقلهن مهرًا وأكثرهن بركة

المهم الحمد لله وافق، واتفق معايا يبدأ يجيب الحاجات بتاعت المطبخ.

رحت لابويا اتكلم معاه، ماكنش مقتنع ولما قلت له إنك هتدفع 10 آلاف جنيه بس وافق، المهم

الشبكه ….مفيش شبكه كتبنا فى القايمة إن الشبكة عشر آلاف جنيه ومجبناهاش

المهر …. مفيش مهر هو الربع جنيه اللى المأذون بيقول عليه

المؤخر….مكتبناش فى العقد مؤخر عشان المأذون بياخد إتاوه ع الموخر عن كل ألف جنيه 100 جنيه .. فكتبنا المؤخر فى القايمه.

اللى اشتريناه بقى

- العفش كله من دمياط

من الورش اللى ف السنانيه مش م المعارض

6500 جنيه أوضة نوم

2000 جنية أنتريه

900جنيه ترابيزة سفرة

مفيش نيش

مفيش أوضة أطفال

مفيش صالون

هو دا وبس

والعروسة اشتروا

تلاجه .. غساله.. بوتاجاز..تليفزيون وريسيفر…كام حله ع كام معلقه ع كام شوكه

كل اللى أنا جبته واللى هى جابته لم يتعدى الـ 20 ألف جنيه.

الترتيب بقى

الأحد شفت الشقه وكلمة أبوها وأبويا

الأثنين شفنا العفش والخشب

الثلاثاء تنضيف الشقة واشتريت سخان بـ 400 جنيه

الأربعاء نقلت العفش الشقة

الخميس اشتريت هدوم ليا ترنجين وكام فنله ع كام بوكسر

الجمعه نقلوا العفش بتاعهم

الأحد كتبنا الكتاب

من يوم الأحد ليوم الخميس والشقة كاملة وفيها كل حاجة

واتجوزنا الخميس.

الكوافير والفستان والتصوير …. هدية من واحد صاحبى أخد ألف جنيه للكوافيره والباقى هدية

يوم الحنة عملت زى اللمبى.

جمعت النقوط

وسددت باقى فلوس عليا لبتاع العفش

الفرح كان فى المسجد

ومعملناش أكل لحد

كل اللى كانوا موجودين أصحابى يا دوب عصير بست

من السبت كنت مخطط أتجوز الخميس

أتجوزت الخميس اللى بعده

كنت حاسس إن موضوع جوازى مشروع قومى الناس كلها بتشارك

اللى راح اشترى لى جزمه كان واحد صاحبى واللى جاب السخان وركبه واحد تانى

واللى نقلوا العفش أصحاب أبويا

واللى ركب الأنوار فى الفرح ابن عمى."





حكايات من الفيسبوك.. «اتجوزنا فى أسبوع.. باى باى تقاليد»

افلام 2016
تحديثات
مسلسلات تعرض حاليا
برامج وتطبيقات هامة

انقر هنا لزيارة مكتبة البرامج الكاملة متصفح جروم Google Chrome مشغل الفلاش Adobe Flash Player برنامج تنظيف الحاسوب CCleaner Professional برنامج ضغط الملفات Winrar  كامل برنامج التحميل Internet Download Manager مضاد الفيروسات افاست بالواجهة العربية Avast antiviurs - new اداوت ازالة الفايروسات والادوير والسباي وير والبرمجيات الخبيثة برنامج الاوفس Microsoft Office جميع الاصدارات تحميل مباشر برنامج الكودك الشهير لتشغيل الفيديو والصوت K-Lite Mega Codec Pack 11.5.5 Final باخر اصدار

تطبيقات جوالات الاندرويد بيق الكيبورد SwiftKey Keyboard تطبيق الفايبر للاندرويد اخر اصدار Viber apk تطبيق الواتس اب اخر اصدار WhatsApp Messenger تطبيق الفيس بوك اخر اصدار Facebook تطبيق المحادثة تانغو اخر اصدار Tango Messenger تطبيق CCleaner apk منظف مخلفات الاندرويد تطبيق ماسنجر الفيس بوك اخر اصدار Messenger apk

تسجيل الدخول
Close
Close
Close