طريقة الشيش المقلي

طريقة الشيش المقلي

الشيش بنجيب صدور دجاج منزوعة العضم بنغسلها وبنفركها بخل وملح وبننقعها ربع ساعة

بعدها بنقطعها لمكعبات بعد ما قطعنا الجاج مكعبات بنحضر بوعاء :

 4م ك لبن رائب و 2 م ك معجون بندورة و 2 م ك بودرة بصل و م ص فلفل اسمر وم ص كاري

و م ك بابريكا و نص كوب عصير ليمون وملح و م ك شطة (اختياري) ورشة طحين

بننقعهم بهالخلطة ليلة كاملة او عالاقل 3 ساعات

طريقة القلي بقلاية واسعة بنحط شوية زيت ومتل ما شايفين كيف بكون وبنقلب تقليب يعني تشويح طبعا

سياخ خشب بننقعها بمي دافية 10 دقائق ونشك فيها الشيش وازا حجمها اكبر من القلاية بنكسر منها

خلطة البطاطا كاسة طحين وربع كاسة نشا وربع كاسة بودرة بصل و ملح وفلفل اسمر و 2 م ك اوريجانو

و 2 م ك بابريكا و ماء بنضل نضيف لحتى تصير عجينة سائلة بننقع البطاطا فيها فترة منيحة وبالتلاجة

بنخليها منقوعة بعدها بنرفعها من الخلطة وبقلاية واسعة بنحمي زيت سواء غزير او لا بيزبط بالجهتين

بس ازا التقطيع سميك بكون بدها زيت غزير .. بنحطها بالزيت لحتى تستوي وتتحمر منيح بنكون محضرين

بصحن خلطة من اوريجانو و بابريكا وملح خشن وبودرة بصل وشوية طحين بنخلطهم منيح بنرفع سيخ البطاطا

من الزيت وبنغطسو بهالخلطة وبنرجعو عالزيت شوي بعدها بنرفعو ع ورق نشاف

بنجيب سياخ الخشب بنكون ناقعين السياخ بمي دافية وبنجيب حبات بطاطا صغيرة وبقشرها بنغسلها منيح منيح

بمي وملح وبنصفيها وبنغرزها بالسيخ وبالسكينة بنقطعها وبنبرم لحتى نوصل للاخر بنفك القطع عن بعض

وبنخلي جزء من البطاطا مش مفصول لحتى تكون بشكل لولبي