طفلان شهيدان يحتضنان بعضهما .. دلال أبو آمنة تنشر صورة مؤثرة وترثيهما بكلام "مُبكي"
شاركت الفنانة الفلسطينية آمنة أبو دلال جمهورها بصورة حزينة جدا من القصف الإسرائيلي على غزة .
حيث ظهر طفل يحتضن شقيقته الرضيعة وهما على نعش الموت وعلقت بكلام مؤثر جدا : "لا تخافي خَيتا حبيبتي.. إياني معاكِ عَم أحميكِ.. كمان شوي كل شي بيرجَع لَطَبيعته وبَرجع بلعبِّك بالخُرخشيّه اللي بتحبّيها... لا تخافي خَيتا حبيبتي.. خلينا نعبُط بعض وننام.. احنا راح ننام شوي.. بس لما نفيق راح نكون بمحل بيجنّن ملان اشيا حلوه.. لا تخافي خيتا حبيبتي.. لما نفيق راح نقدر نلعب ع راحتنا بدون أصوات قصف ترعبنا ليل نهار ولا دمار بيخربلنا كل اشي حوالينا.. لا تخافي خَيتا حبيبتي..أوعك تفكري إنا راح نكون زي الناس اللي نايمه ع طول الخط, هدول ما بيفيقوا بالمره..هدول رح يضلوا نايمين للابد.. اما احنا راح ننام بس شوي صغيره, وبعدها لما نفيق راح نكون بمحل بعييييييد عن هون.. بمحل كل الناس بتتمنى توصل له.
لا تخافي خيتا حبيبتي.. نامي منيح وانا هيّاني نايم حدّك لأحميكِ.. خلال الطريق اللي راح نمرقها سوا.. هاي الطريق اللي بآخرها رَح نوصَل للسَمَا ".
